كل عام وأنتم بخير

كل عام وأنتم بألف خيررر جميعا ....

وحشتوني جدااااا

مُقصرة معاكم جميعا ولكن أُعذروني لي عودة قريبا إن شاء الله

عيد سعيد علي الجميع إن شاء الله

وأسعد علي الخرفان كمان :))

دمتم بألف خير .....

إنحناءة

انحناءة صغيرة إلي الخلف ...

وكأني اسبح في ذلك الفضاء الشاسع

وأُحلق في السماوات ...

وكأنني تقترب يدي من ملامسة ذلك الغزل في السماء ...

الذي لا اعلم .. لم يطلقون عليه السحاب

وتلك الماسات من حولي تدعوني

ولو لحفلة في المساء ...

وكأني أولد من جديد ...

بوطن أُعشقه

ولازلت بعيدة عنه كل البعد

منذ زمن سحيق تمنيت

ولازلت ...

ولكنني كلما أستسلمت

أعود لاحقاً للتمني ... وكأنني لهذا خلقت

بائعة للوهم والاماني ...

وكثيراً يٌرهق القلب ....

خلل ما ...

خلل ما يجتاحني ...

خلل ما يجعلني ... أعشق التوقف عن الحياة

وكأن كتب علي جبيني منذ البداية

معاناة ....

بائعة الآمال المذكوبة ... بلا أدني شك

فاقدة للأمل ...

والقلب المرهق يقترب من مرحلة الازهاق .....

فهل من توقف ..؟!

هل من توقف عن كل الخيالات

عن كل نبضة تدفعك للحياة ....

كثيراًعن هذيانك رجوتك التوقف !

فهل من متبرع هنا ...

يساعدني علي إيقاف نبض يهذي

يصارعني بأكذوبة ... تدعي الحياة ...!

هل من متطوع ... يقتلع مني القلب

أو ليصمت مني ضجيج النبضات ...

كل عام وأنتم بألف بخير

كل عام وأنتم بألف خيرر جميعاً

بعتذر عن فترة غيابي في الفترة الاخيرة وافتقدتكم فعلاً جدااااااا

وللأسف هضطر أفتقدكم تاني لما بعد رمضان إن شاء الله

أنا جيت أسلم بس وأقول كل سنة وأنتم طيبين وهتوحشوني جداااا

واللهم تقبل مننا ومنكم صالح الاعمال إن شاء الله

دمتم بألف خيررر

حدوتة الشاطر .. مافيش

إعلان متأخر :)

سيتم يوم الخميس القادم 6/8/2009

في تمام الساعة السابعة مساءً

حفل توقيع ديوان الشاعر " مصطفي حسان "

"حدوتة الشاطر مافيش"

وذلك بمشيئة الله في مدينة المنصورة

بمكتبة بوكس آند بينز .. 7 ش جزيرة الورد ..

المشاية السفلية .. أمام نادي الجزيرة

لكل قاطنين المنصورة والبلاد المجاورة والبعيدة

أو حتي ساكني الكواكب والمجرات القريبه :-p

الدعوة عااااامة

بس للأسف اني مش هقدر أكون موجودة

لكن وعد إني بعدها إن شاء الله اروح اشتري الديوان ^^

الحاضر يبلغ الغايب والغايب يجيب الحاضر والمستقبل

اماكن التوزيع ...

القاهرة :

- البلد

- دار ليلي

- الديوان .... الزمالك

- عمر بوك ستورز

- الكتب خان ... المعادي

- سنابل

- السندباد

الاسكندرية :

- دار أكمل مصر

المنصورة :

- بوكس آند بينز .. المنصورة

وربنا يوفقه يارب وعقبال كل ال نفسه يعمل ديوان

واعذروني اني مقصرة معاكم شوية

بس مش عارفه الدنيا متلخبطه عندي كده

ازاي نسامح بعض ...؟!

بناء علي طلب المشمشية الشقية ^^

اللهم أجعله في موازينها إن شاء الله
ـــــــــــــــــــــــــــــــــــ

إنها حقا أجمل الاوقات للكلام عن التسامح

بحلول الشهر العظيم الذي لابد أن نزين أنفسنا له بكل زاد

والتسامح سلوك من اجمل مايمكن لهذا الاستقبال العظيم

فالتسامح هو أن نصنع لانفسنا مع الاخرين هدنه

ليسود بيننا جو من السلام لايمكن تجاهله

قوة تجلعنا نري النور يشع من قلوبنا ليصل للآخرين

ومن قلوب الاخرين ليستقر بثنايا قوبنا

ننسي الماضي بكل مافيه

ونفقد الرغبه في إيذاء الاخرين وتجريحهم

نفقد الرغبه في وضع انفسنا دوما في وضع المحاسب

ولنكن إيجابيين متسامحين مع انفسنا اولا ثم مع كل العالم حولنا

طاقة النور المنبعثه من التسامح لا يستطيع إدراكها كثيرون

ويقول الله تعالي (وَلْيَعْفُوا وَلْيَصْفَحُوا أَلاَ تُحِبُّونَ أَنْ يَغْفِرَ اللَّهُ لَكُمْ)

إن لم نعفو عن الاخرين فليسوا مطالبين ابدا

بالعفو عننا

فلنتعاون علي أن يكون هذا الشهر فرصه

لكي نمد يد التسامح وعسي أن لايردها الله ابدا صفرا

واللهم إني أُشهدك إنني قد عفوت عن من ظلمني

اللهم إني أُشهدك إنني قد تنازلت عن حقي إلي يوم الدين

لوجهك الكريم

تحديث+ ارتحت ولبست التاج

الحمد لله ياجماعة

أنا مبسوطة اوي بجد النهادرة

ونتيجة التحليل طلعت بخير الحمد لله ومش فيها حاجة وحشة

بفضل ربنا طبعا ودعواتكم ليها

وأقدر البس التاج وأنا مبسووووطة

وهروح احذف البوست ال فات بأة مش عوزاها تشوفه

وعاوزة امحيه وامحي كل الايام ال فاتت دي كلها :)

وبجد أنا متشكرة ليكوا كلكم ودعواتكم

ربنا ميحرمنيش من دعواتكم في الخير دايما يارب

وبإذن الله يجزاكم جميعا خير الجزاء

ونبتدي التاااج ال جاااالي زي الطلقة من مثدث بطلقة ^^

ــــــــــــــــــــــــــــــــــــــــــ

من أنت ..؟؟

غادة أو ....

قلب أرهقته الاحلام:)

طفلة أضاعت قدميها العنوان من أزمان

وما الذي تفعله هنا ..؟؟

امممم مش عارفه أنا فجأة لقيتني هنا

إسرائيل تقصف كل جنوب ممكن بحثا عنك ، أي شمال تقصد ..؟

اصلا بقلبي المرهق ده هقدر أروح فين ^^

يمكن مقدرش اعمل حاجة غير اني اقول الشهادة

أو أحاول إني أعمل اي حاجة بالمواجهة

تخليني عملت حاجة قبل الموت

أو هسجد وخلاص واموت ... بعد الشرعليه

اسرائيل الوحشين دول عاوزين مني ايه ....

أنت مكلف بحذف حرف من حروف اللغة العربيه.. أيها ستختار

ولماذا ..؟؟

مقدرش أحذف حرف من حروف لغة القرآن

بعدين عيب علييه مينفعش

ونكتب الكلام ونفهمه اساي طيب

هنعمل عاملين سي ماتكون شنانا وقعت كلها

لو قدر لك أن تدخل السجن فما القضية التي تتمني أن تدخل

بها السجن ..؟؟

متمناش طبعا عاااااااا

ايه ده ويعذبوني ويشيلولي ضوافري وانا صاحية ..؟؟

من غير بنج ..:( لا لوفيه بنج موافقه ههههههههه

اممممممم بس لو لازم اوي يعني

تبقي بتهمة الشرب من دم مسدس ومع سبق الاصرار والترصد

تيرررراررررر ^^

نحن لانعيش حياتنا بل نتعلم فيها كيف نعيش ...؟؟

الحياة مدرسة ولعلنا نستطيع أن نعيش الحياة

إلي جانب التعلم منها و فيها

نكون ذو حظ إذا قلت العثرات ... أو ......

علي مفترق طريق الافتتان ، اليمني تقول ( إلي حلمك )

واليسري تقول ( إلي مالم يحلم به بشر )

أي الطرق ستسلك..؟؟

إلي حلمي وأكثر .....

إلي كيان لازال يغريني إمتداد يدي إلي خيالٍ من سرابه

فإن أنا متت تناثر حُلمي مع ذرات من ترابي

بجملة واحدة فقط أكتب تعريفا لكل كلمة من الكلمات التاليه:-

** الوطن

نحن إليه .. وندرك أنه أصبح اللاشيئ

***الأم .........

حبيبتي :)

** الليل .......

أعشقه

*** الحب ...........

تلك الكلمة ذات الحرفين تحيرني كثيرا مثلما حيرت ملايين

**أمريكا ..

..... قوي عظمي أتمني أن توشك علي الانتهاء

*** المرأة

*** الرجل

كيان واحد غير منفصل ...

وجود أحدها دون الاخر يعني الخلل

مش الخُلل ^^

*** الصمت

يمنحنا الفرصه لقول مايعجز عنه الكلام

** أختر منصبا وأتخد قرار.؟؟

لا أهوي المناصب ولا القرارت

ولكني قد أكون الجني في مصباح علاء الدين ^^

وأقرر أن أمنحني جناحين بهما أُحلق للسماء

أو قدمي جنية بحر لأمشي علي الماء ... ولن أقول بعدها

وااااااااء واااااااااء ههههههه

*** قيس ، عنترة ، جميل ... الذين يقولون شعرا....

وليلي وعبلة

وعزة " تسمعن " لماذا هذا التغيب للمرأة ؟

وأين التغيب ونحن نذكرهم الآن بحب لم يعرف له مثيل

تعبر المرأة الآن عن حبها بشتي الطرق ولكني أراها مغيبة تمام التغييب

*** إلي أين تمضي كلمات الحب بعد أن نقولها ..؟؟

عندما لا تتجاوز الآذان إذا كانت الشفاة مصدرها

ولكنها لو نبعت من القلب ولو دون كلمة واحدة

أظنها إلي القلب حتماً ذاهبة

وهل الحب .. كلمة

هل تجد علاقة بشكل أو بآخر بين المرأة وقطاع الطرق ..؟

للمرأة دموع هادرة بها تقطع قلب الرجل

أما قطاع الطرق فوسيلتهم في تقطيع ذات القلب مختلفة ^^

هههههههه ايه ال انا قولته ده (:

هذا فراق بيني وبينك ..؟؟

لذاتي أحيانا عندما تخذلني

ولكنها أبداً لاتتوب أو أكف أنا عن العودة

*** غداً

ليس بيدي ... يكفيني يومي وغداً يدبره خالقه

*تمرر التاج لمين ...؟

اممممم في عندي تاجين إجباري ههههههه

زي اسئلة الامتحان كده

نورهاتي & كيارا :D

معلش مش تزعلوا كتباهم تحت التهديد ههههههه

ولازم تجاوبوا يرضيكم عمري يضيع هدر وأنا ف عز شوبابي ^^

ومن عندي بأة ...

ميماية حبيبتي إحتفالا برجوعها

بهديها التاج الروماني القميل ... المذءوب ده ^^

آخر يوم فالجنة

أسماء وأحلام في وجداني

وحلم

بث وأي حد نفسه فيه ياخده

النهاردة بنوزع تاجات ببلاش ^_*

هتوحشونييييييي انا جاية اقولكم بس اني مسافرة كمان شوية

رايحة اصيف عقبال املتكم هههههههه

اممممممم هتوحشوني جدا والله لغاية لما أرجع ... حد عاوز ام الخلول :D

اشوفكم علي خير ان شاء الله :*:*:*

تحديث+ابوتريكة تايمفلو

عشان كل الناس مفهمتش قصدي

هو الاسلوب صعب اوي كده عااااااااااا:(

يجماعة ببساطة الخبر أنا قرأته ف الدستور من اسبوعين كده

انا حتي كنت كسلت أكتبه علي أنه قديم يعني ...

وهو أنهم قالوا انهم توصلوا لعقار مصري مقاوم لمرض انفلونزا الطيور

بس هما محتارين في الاسم ال هيطلقوه علي العقار

بين 3 أسماء " الاهرامات " خوفو & خفرع & منقرع

والاسم المرحج عندهم هو أبو تريكة ^^ أتمني أكون وضحت

ودي روابط لنفس الموضوع من المصري اليوم وموقع آخر

http://www.almasry-alyoum.com/article2.aspx?ArticleID=213259&IssueID=1423

http://www.moheet.com/show_news.aspx?nid=263727&pg=11

توصل فريق من علماء البحث المصريين

الي تصنيع عقار جديد لمقاومة انفلونزا الطيور

ولقد شهد له بالفعاليه خاصة في الضربات الركنيه

العاليه منها والتمريرية

بالمواجهة بنظريه الصيني .... ال بيتكسر لو وقع من النمليه :)

والمكسيكي الاقل فاعليه

ليصبح المصري انضف من الصيني بعد غسيله

وفاعل أول في الجملة المكسيكية

حيث اتضح أن أكتشاف الدواءغالباً مايكون

من البيت الاصلي للداء

ولكن الغريب في الامر هو تسرب الحيرة

الي عقول فريق البحث المصري

في إيجاد مسمي يتناسب مع العقار الجديد

واحتارو بين ثلاثة كان رابعهم ذو قدم ذهبية

فهل تحسم الجولة لصالحه بهدف نظيف مقابل لاشيئ

ام يقوم اوباما بتشكيل ثلاثي يضم اهرامات أسطورية

تنهي الجولة في الخمسة دقائق الاولية ^^

مع إحترامي الشديد للاعب الخلوق

" ابوتريكة "

فهل فقدت مصر كل رموزها

ولا تجد رمزاً يمكن لفريق البحث إطلاقه

علي عقار التايمفلو..؟؟

ولو قلت كفاءة العقار في يوم ما فلنلصقها

بلياقة ابو تركية ولعبه دون المستوي

وليس العيب علي من أقر الترياق

وليصبح هرماً رابعاً بخماسي لا عب رأس الحربة

ذو الأنف المكسور" ابو الهول " :)

مجرد .... تسااااؤل !!

ولا ف الاحلام :)

بناء علي طلب مامتي ^^

"مامة مازن"
كان لازم البي الدعوة بس معلش أتأخرت شوية


يمكن الاحلام يمكن تكون صعبة ؟؟


يمكن محتاجة وقت ... مش عارفه :D

ونقول أكشن أذكر خمس أحلام على الاقل ..تخص ماضيك ..؟؟

1)يمكن وانا صغيرة وبضفاير كان تعبيري عن الاحلام طفولي اوي


كنت عاوزة ابقي مُدرسة :) علشان مش هضرب العيال لما ميعملوش الواجب :))

وكنت عاوزة ابقي دكتورة عشان مش هكتب حق ف الروشتة ^^

2) حلمت اني اخلص الثانوية العامية بمجموع كبييير

وحصل طبعا ....... ههههههه

3) حلم إني الاقي الحب ال بجد بس عمري مالقيته ولا هو لقاني

4) حلمت اني يكون عندي اطفال كتيير اوي بس طبعا حلم غير قابل للتحقيق ^^

هجيبهم امتي ده اولا و ثانيا العصرال احنا فيه ده

لو ربيت فيه 2 او 3 كويس واهتميت بيهم يبقي ربنا معايا

5) بحلم اني الاقي نفسي وأكتشفني .... الحلم الهولامي (:

خمس احلام ع الاقل تخص مستقبلك؟؟

1) نفسي احج أو أعمل عمرة اوي حاسة انها هتقربني اوي من ربنا

عاوزة اروحله اوي ابقي ف بيته عارفة ساعتها ان اللحظة دي
اي حاجة ف الدنيا مش هتوازيها

2) نفسي تفكيري يوسع اوي وميبقالوش حدود

لاني بحس ان الانسان ال بيعيش وخلاص من غير مايفكر

ولا يوسع مدراكة بتبقي نهايته للتفاهة وانا عمري ما هحب نفسي لما هكون تافهة او مهمشة

وأني أحقق نفسي أأمن بقدراتي عشان أفجر كل الطاقات ال جوايا

3) بحلم إني الاقي إنسان احس معاه بالامان ....

استخبي فيه وانا مش خايفه من خنجر مخبيه ورا ضهره ليا

يعيني اني اكون احسن ف كل حاجة وأولهم طاعة ربنا

4) بحلم ..... اممممممممممم


بمريم (:


متستغربوش دي بنتي ^^ بحلم بيها دايما وانا نايمة بس مجتليش من زمان :(


بتكون ف الحلم زي القمر وعنيها ملونة وشعرها طويل وجمييلة :))


مستنياها اوي ... وبحبها اوي بس مش عارفه اذا كانت هتيجي ولا لا ...


بس سواء جت او مجتش فأنا بحبها


دي بنت قلبي ويمكن أجمل حلم وأكبر حلم بحلمه ...


سعات بيبقي نفسي احضنها اوي بس حتي ف الحلم مش بعرف احضنها :((


5) بحلم اني أتخلي عن براءة بتقودني دايماً للسذاجة


أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ?


اممممم آدم ابن أخويا عشان ده حبيب قلبي حته مني اصلا


اول لما اتولد مقدرتش اشيله لاني مكنتش قادرة اتلم علي اعصابي :)



كنت خايفه اي لمسه لما المسه توجعه كان مغمض عنيه اوي وفجأة فتحهم وفضل يبصلنا بيهم :)


وطبعا والدي ووالدتي وأخواتي عيب عليه مش اقولهم يعني هههه


وطبعا مدونتي وكل ال بحبهم وبحسهم اخواتي وأكتر
- أذكر شخصين على الأقل غير متواجدين فى حياتك حاليا كنت تود وجودهم الان او فى حياة

اولادك مستقبلا .. جدي وجدتي اللهم ارحمهم واسكنهم فسيح جناتك وأدخلهم مدخل صدق

كانوا حاجة كبيرة اوي ف حياتي وأكيد كانوا هيبقوا ف حياة ولادي

بس هي دي أحلامي ولو إنها مش كلها .... يمكن الاحلام اصلا مالهاش حدود أو نهاية

طبعا التاج بهديه

امممم لميمايا حبيبة قلبي

ولصاصا بيه فرحات افندي

وموني الشريف ال وحشاني موووت :))

ووووو واي حد ليه مزاج التاج هيجي علي قده يتفضل ياخده ^^

حيرة

أنا لا اعرف ان كان وجودي بحياتك محض ذنب

او إن كنت تراه أكبر جريمة

فكلما اقتربت لطمني سرابك علي الخد....

واشواك فوق اسوارك

وضعت عنوه ... لتدميني

وبدايتي للجنون ... هي .... حبك

فهل يرضيك احتراقي فوق شطآنك..؟

او دموعي من اقاسي احلامك

فكم ينهكني يا أنت اختراقك

و يعييني رسم أبعادك

وطول وقوفي ..... بأبوابك

فهل تكون أنت يا أنت من لديه عنواني ...؟!

وببلادك منذ الأزل ... استقرت اعلامي

وبعرس قلبك ... يزف رقيق آمالي

ومنك تكون وإليك هجرتي وإبحاري

فدعني أختبئ في قلبك من ...فتك نيران صديقة

وبين طياته ألملم كل ذراتي

ومن لون الورد

اسكب فيه

الحياة

زهرة برية

زهرة برية أنااا ا.. لم يمسها إنسي

لسنين إختبأت ... تحت أغصان بنيه

ذابت بإنتظار ..أناملك الفضية

زهرة برية أنااااا .. لم يرنو إليها بشري

يسقط عليها ضوئا فيروزي

فتلملم سريعا أوراقها الوردية

حتي لا تلمحها عين في البرية

تساقطت يوما علي أوراقها

حبات لؤلؤ نديه ....

فزادتها رونقا ...وجاذبية

وحلم معك ....

بحياة أبدية ...في كوكب

ظلاله رومانسية ....

يملؤه أشجار .. أسطوريه

وطيور حب .. تشدو بأغنية ...

وعلاقة بك .. أجمل ما بها

القدسية

**********

هي قديمة شوية بس حبيت اغير الاكتئاب :D

اللاشيئ

طفلة صغيرة بداخلي مذعوزة

تلتف حول نفسها بركن الغرفة المسحورة

تبحث عن وطن بعيد الصورة

تبحث عن أمن فوق جناح عصفورة

تبحث عن صدرٍ حنونٍ

تبكيه غرقا حتي ال ضلوعا

حلمها الابدي يمضي كل يوم في طريق من لاعود

ولو فوق زورق مثقوب

يسيل كل يوم لرائحة الحزن لعاب عينيها

ومن وهنها تمتد منها اليد ...

إلي ....

اللا شيئ .....

الفراشة الزرقاء

سيتوقف القطار الآن .....

يتزاحم الركاب ......تدافعات وعناقات

زفرات لهفة واشتياق وأخري متأففة من العراك

وأمتعة تئن لحملها الاعناق ..!!

هتافات وصراخات

وبائع حلوي حزين

يجمع مرتجع حلواه قبل قدوم الرواد

وفراشة زرقاء

أذاب جناحيها الفراق

وصافرة الإنذار

تشق آذان الأغمار

وطفلة صغيرة هناك

ليس لديها مُلاك

لازالت تلهو بدميتها في عالم الفراق

بعيونها براءة دمعاء

كأنها ملاك من السماء

ومحطات الرحيل لا حت آثارها

في الآفاق

وغادر القطار الأنفاق

ليمحو بممحاة دامية كل آثار الفراق

وتلك لحظات الإباء

تناثرات و عراكات

وذرات من بقايا أجنحة الفراشة الزرقاء

زهرة القلب

أُغمض عيوني وأزعم سلب سعادتي بأُعجوبة

ألوم غيري ...؟؟

وأنا من قدمت عصارة القلب في قنينتي الذهبية

ووددت لو أنسج له من خيوط الشمس

قميصاً فأعمي ضوئه عيني

وأُسهب في العطااااءِ .... ببلاهتي الرعنااااء

أخطائي ..... ثقة متناهية

ورؤية يشوبها كثير من شفافية...

ومن حماقتي سكبت من ماء القلب لأُسقيهُ

وزعمت أن غبار السنين عن قلبه ... أنا ماحية

تناثراته وقطراتي

أعتقدتها أنا تربة خصبة لإذدهارالأمل

وغرست بذوري بدقة متناهية

ومن سيل عشقي سقيتها ...

واينعت زهرة القلب وقبل أوآنها

ماكان منك ... إلا أن حاولت سحقها

عذراً حبيبي فتلك الزهرة المؤودة في أنفاق قلبك

لم تحتضر بعد

وأستيقنت أن لها أوراق وأشواك حامية

علي سوقِها نامية

فالزهرة المريمية

ابداً لن يفقدها .. العذرية إنسيا

ستظل برائتها أبية ...

نشأتها الأزلية في اراضِي السحب القطنية

وحتي لو كان حبي لك سرمدياً

فأنا سأُحكمُ إغلاق أضلعي

علي حبيب مغيب عن الدنا

أوحبيب أذهبته أنت مثلما بيديك طمست معالمي ..

أيعقل أن يكون من همت أنا به مجرد قشرة..؟؟!!

أو غلاف خارجي...!!

آه لو أمحو الامس من حاضري

وأطوي كل اليأس وأدعوك لمستقبلي

لم أنغلقت كدائرة علي عنقي ..؟!

ايرضيك الآن أن حطمته ...

لا ترهق نفسك يامن بقلبي شريان تاجي

لتزيد من لذة إنتصاراتك المزعومة

فأنا أبداً لم أخض حرب ....

ليكون هنالك بيننا من يدعي إنتصارا


وإن كنت تعد إنكساري أنتصارا

فماتزال بعض من عظام عنقي المهشم

تعينه علي أن يرتفع عالياً في السماء

وهنيئاً لك يامُنايا إنتصارك....

أنا وذاتي

افكار كثرة تلاحقني قبل الكتابة

وعندما أمسك قلما لا أدري لم أهابه

أقف عاجزة علي أعتاب صفحاتي أفكر ولا أقدم علي الكتابة

أصبح فارغة كزجاجة ...

تتساءل نفسي لم لا يرضيني دائما نصف كأس ممتلئ

لم أسعى دائما للزيادة .؟!

وانظر بعيون من زجاج لذاتي ....

تؤلمها نظراتي فترفضني وأرفضها

اقترب

تدفعني بألم يمزقني ...

فلتترفقي بي يا عذابي ...

أهملتك سنين حتي أصبح اللقاء بيننا سقيم

سامحي مني قلبا أحب كل مخلوق... وتنا ساكي

هل تسمعين الآن ...

تلك طرقاتي علي بابك .....

تقبلينني بين أحضانك ... ولا تمحي قبلة

علي جبينك ألثمها خالطتها عبراتي ..

ويد من وهني تهدهد طفلة يتيمة يبعثر صراخها أشلائي

دعيني انقض غزلا عنكبوتيا سخيف

غلف كل ابتساماتي

وأطرز سمائك بلامع نجماتي

وانسج من خيوط الشمس

ثوبا أُزف فيه الي السماء ...............

التاج مش ع قدي ^^

طبعا منوووش هي ال لبستني التاج :) يلااا بأة مردودالك ف الافراح :-p

نبتديي أكشن

اسمك....؟

دودو

شلته .... البلد كلها عرفته :)

المشهور بيه وسط اصحابك ؟

مممم دودو & دودي بس كفايه أوي مش طماعة :-p

سنك...؟

طب وليه الاحراج ههههه مع اني كتباه ف البروفيل

24 قابل للزيادة

والصلاحية أوشكت علي الانتهاء

مجال دراستك ؟

ليسانس حقوق

مع أني زمان مكنتش لاقيه نفسي فيها بس بحاول الاقي نفسي فيها دلوقتي

نقدر نقول بدأت أحب المجال مع أنه مختلف عن طبيعتي خالص مااااااالص

اسم مدونتك ..؟
allb elestora

عشان ,,,, هو كده وخلاص ههههههههه

الصوره الرمزيه لمدونتك بتعبر عن ايه ...؟

دمعة بس مش لقت حد يمسحها ولما حد حاول يمسحها خدي انجرح

هل فكرت في اغلاق المدونه ؟ والسبب ..؟

ممممممم لالالالالالالا

السبب أن أنا لسه فتحاها أساساً :)

ايه رد فعلك لو حد قل ادبه عليك في تعليق ...؟

همسحه وهعتبر كأنه متقالش اصلا

اسوء مدونه...؟

مشفتش لسه بصراحة

هيحصل ايه للايميل بتاعك لما تموت...؟
مممممممممم

مش عارفه بس أكيد هي كمان هتموت بعد شوية

طبعا مش هتقدر تعيش من غيري :)

ووطي صوتك يالي بتقول مصدقه نفسها ههههههههه

اديت الباسوورد بتاعك لحد ...؟

لالالالالالا

ومش هديه لحد :)

السفر بالنسبالك ايه ...؟
إنطلاااااااااق & رااااحة

تغييييييييييييير ,,,,, أكتساب خبرات وحاجات كتييير اوي

المود بتاعك ؟

كئيب وحيدا عاصف وضاحك ف الزحام :)

يعني طول منا لوحدي عايشه ف مود الكآبه بس مش اوي يعني بس بحب الهدوء

لكن وسط إصحابي هزار وضحك وكده ببقي مش أنا قناع يعني من الاخر

بتعمل ايه في وقت فراعك..؟

بقعد ع النت ,, أو أكتب خواطر ,, أو أدور علي أي كتاب أو قصه أقراها

أو آخر الحلول بأة التليفزيون والدش اجنبي طبعا أو افلام قديمة

الأكلة المفضله...؟

عاملة دااااااااااااااايت

سبوني ف حالي متفكرونيييييش 7 كيلو بقالي سنتين مش عارفه اخسهم

عقبال التالته

الصفات اللي ورثتها عن والدك.؟
اممممم

أوحش صفه فيه العصبيه

اممممم والشكل برضه وأخدت عنيه هي اجمل حاجه فيها هههههه الباقي لا

بس بحاول اتحكم ف نفسي بس مع الاسف بتزيد ,,,,,,,,

الصفات اللي ورثتها عن والدتك ..؟
ممممممم متهيألي مفيش

بس كان نفسي آخد منها تسامحها الشديد لكل حاجه ولا اي حاجة

وبتبقي راضيه ومبسوطة بكده ... سبحان الله

اكتر ست حاجات بتكرهها...؟
الغدر,,,الوعود الكدابه ,,, والخداع ,,, الخيانة

ان احب حد قوي واديله مكان جوايا وف الاخر يهنني أو ميكونش قد الثقة

لسه واحدة ...........مفيش خلاص اي حاجة تانيه بحبها

بس كرهي للحاجات دي مش معناه كرهي الشخص ال سببها بكرهه الاحساس نفسه

اكتر ست حاجات بتحبها...؟
طبعا ربنا اول حاجة

بابا& ماما & أخواتي وبحب الشعر

وبموت ف ابن اخويا الصغنون وووووبس

شخصيتك نوعها ايه....؟

شخصية كانت مرحة اوي ف كل الاحوال بس المرح بمرور الوقت أتحول لمجرد قناع

أخبي بيه كل حاجه جوايا ... شخصيه هاديه ومسالمة جداً من جوايا

ساذجة وعيله اوي من جوايا برضه وبصدق كل حاجه واي حد كده يعني بحس ساعات كتير اوي

أن جوايا حاجة شفافة أوي أنا بس ال شيفاها ده مش مدح علي فكرة لاني بكرهه الحاجة دي فيه

لان الشفافيه دي تعباني مع نفسي وف حياتي اوييييييي

الشغل بالنسبة لك ايه...؟

تحقيق للذات أكيد بس لو مش ف نفس مجالي

شيفاه مش ليه لازمة

لماذا دخلت عالم التدوين ...؟

هي الحكايه كلها جت صدفه

مش فاكرة اصلا كنت بدور ع ايه ف جوجل لقيت نفسي ف مدونه سوسا

الطريق الي الكوشة

ودخلت من عليها لمدونات كتيرة اوي فعجبتني الفكرة ممممم وبس

اجمل كلمه اتقالت في وصف مدونتك.....؟

اي كلمة بتتقال بتعجبني حتي لو كانت نقد عشان أعدل من إسلوبي مثلا

أهمية التعليقات بالنسبه لك ؟

أكيد لو الواحد بكتب حاجة وهو معجب بيها أوي بس ف الاخر محدش قال ولورأيي واحد فيها

تبقي مالهاش لازمة لان مش كفايه أن اكون انا بس ال معجبه بالي بكتبه عشان استمر ف الكتابه

احسن بوست كتبته ....؟

بصراحة مش عارفه

أنا بحب أسطورة ف الحب أوي

بس حاسه إن لسه البوست ال ممكن أقول أنه احسن لسه مجاش

افضل بوست قرأته ...؟

حاجات كتيييير بجد بس ده علق معايا قريته من شوية لقيت دموعي نازلة لوحدها

http://nohaworld.blogspot.com/2009/04/blog-post_21.html

افضل مدونة قرأتها ...؟

كل مدونه علقت عليها كلهم حلوين وأصحابهم أحلي

النت بالنسبالك ايه...؟

مبقتش أعرف أقعد من غيره بصراحه

إدماااااااااااااااااااااان

تمرر التاج لمين...؟

هروح وأكبس علي اي حد دلوقتي

انتظروني :)

فلترحل عني

فلترحل عني يا قلب لم أعد أهواك...

بقعة من لا ضوء تغمر ذكراك

سنين من لاشيء.. ضاعت

دمرتها يداك ......

لا أريد حتى المحيا على ذكراك أو ممات

ولم يعد بي مكان يريدك إلا إياك...

تلفظك حتى الاحشاء

فلطالما مشيت دربك.. تستشعره بعصاة

وتسقط على وجهك جراء كل حصاة

أرحل يا قلب

..................

دمعة أخيرة في مقلتي جفت

تنعاك...

وداعاً ياقلبي......

إلى..

لا

!!لقاء!!

اعشقك

تحتار أناملي .....

تعجزها مشاعر مبهمه كظاهري

يعيقها عني نزيف داخلي ,,,

وانين لو يخرج من فمي ..!!

حتي الدموع … غابت

تجمدت في مقلتي ..

وعلي مقعد انتظارك .. نزعت عقارب ساعتي

فلو احصيت لحظات غيابك لإنصهر الحديد .. وذاب الجليد

وغرقت أنا في دوامات إنتظارك

كيف اصمت أنا بداخلي صوت جنوني يناديك

بكبرياء قلت .. قادرة علي إنتزاع القلب ...

حتي يتوقف عن حبه....

وكيف أقتلع قلبي ..؟

كيف امزق أوردة يملؤوها حبك

كلما مددت يدي لأنتزعه

تذكرت أنك هناك ...

في ثنايا الروح ترقد

فيا أيها الساكن في اعماق القلب

رفقا بي ... فلتنتزع مني الفؤاد

فلتمزق الشرايين والاحشاء

فلترق جزء تبقي لم تسيله لايزال يهواك

وهاتها يدك .. وانتشلني من بحر أنا أوشكت فيه علي الغرق

بين يأس ورجاء أناجيك ...

ولا أعرف هل أضعت الطريق

فعنواني كما كان

أنت نقشت حروفه ... فلم الان تتناسي أنك واضعه

كيف أناجيك وسكينك لايزال في صدري

والالم لم يبرح المكان

كيف فقدت ذاكرتي وإتزاني لهذا الحد

هل تكون تلك هي حافة الجنون

وإذا كانت ....

فدعوني ... فأنا أريد السقوط

أريد الرقص علي حافة من جنوني وجنونك

اذا كان الجنون يمحو المسافات

فدعني اسافر في جنوني منك .. إليك

فأنا مخلوق ضعيف ليس إلا إمرأة

وجدت حمايتها في ظلك ...

بحثت عن وطن ..؟؟ فكانت كل الاوطان مدائنك

فلا تبالغ في قسوتك ... دعني اعبرك

فأنا برغم الرغم

اعشقك

ها أنا ذا أفقدك

أنا مجهولة الهوية ........ مجهولة العنوان

بقلبك وطني يمنحني أجمل الألوان

عنواني اقصي قلبك وهويتي عشقك

وأماني يوم أن مشيت دربك ....

بخطوات واسعة خطوت ذاك الدرب

خطوات

حذرة .... خائفة..... لكن

واسعة.......

تتوق لملاقاتك ... حذرها من أن تخشي فراقك

فتتكسر أحلامها علي أعتاب مدائنك

أنا أخشي مزيد من إقتراب

أو قرار بإبتعاد

أنا أخشي مني ...... من أحاسيس تجرفني

لا أعرف لها نهاية

كل ما أعرفه ... أنني لا أستطيع العيش إلا بك

كل ما أعرفه أنني حتي أحاسيسي !!!

لم أكن عنها أدري شيئ

أنت وضعت عناويني ...وغرست الزهور في طرقاتي

تلك الزهرة البرية تختبئ من أجلك من أزماااااان

إنتظرت كثيرا ملاقاتك ....

كم أسهد زهرتي غيابك .......

أدركت قدومك .. وانتظرتك طويلااااااا

فلا تطل غيابك حبيبي

لحظات غيابك تمزقني

تجعلني أتناثر .... أتبعثر ....

تجعلني أذوي ... أتعثر

أريد وقتها لو أتلحف بسواد من ستائر حزني وأفني

من دونك .... أود لو أنني كنت معدومة

أود لو أنني كنت .... لا

لا أكون ...

كثيرا قبل أن تأتي تمنيت موتي ..!!

وكثيرا ايضا أتمناه الآن لوأنك لن تظل بدربي

وكثيرا أشعر أنني لن يطول عمري

لا أعرف سببا ولكني أخشي الموت ف لحظات أنت فيها بقربي

أخشي أن أفقدك بعد أن وجدتك ......

أخشي أن أكون وحدي هناك ............

أخشي أن تكون أنت بدوني ..

أو أن تنظر لعينين .... ليست بعيوني

أنا بهذا الوقت لم أعد أدري شيئا

فقط أريد أن أغمض عيوني .....

فأفتحها لأجدك بين جفوني ...............

لا تغضب مني بلحظات من جنوني ...

فحبي لك يجعلني في ثورة محمومة

أود أحيانا لو أحمل نفسي وأركض بعيدا

لو أهرب من أحاسيسي...؟؟

ولو من مجنونة أرحمك ....

وأزيل من علي عاتقك حمل مشاعري التي تريد تقييدك

أحمل ذاتي ثم بعيدا أرحل.ً....... إلي لاوطن فبعدك أنا

ليس لي دون قلبك أوطان

وها أنا ذا ... أفقدك

اسطورة في الحب

لم إعتقدت أن قصتي ستختلف عن كل قصص الحب والأساطير

فكل أسطورة في الحب إنتهائها مأساة

فليلي ماتت حبا وهاك حبيبها قيسا قد جن قبل الأوان

وجولييت ماتت بخنجر لروميو سلمت به روحها جزاء قبلة روميو لقنينة

السم

و حبيبي يطعنني بخنجر سمه ويتركني

وأنا لا أعلم إن كنت أنا ليلي أم أنني جولييت أو أنني آتية من زمن الحلم

حلم عاش فيه قلبي دائما دون جدوى

حلم بحثي عن ذاتي أو عن النقاء بحياتي أو بقلوب من حولي

ولكني الآن أوقن أنه سيظل مجرد حلم أحيا علي ذكراه للمات

أنا الحالمة بحبك كان أقصي أمنياتي

لم أعد أريد العودة ... إلي أي مكان

أردت عودتي إلي لاشيئي ... أو لامكان

أردت رحيلا هادئا يلفني بنعومة في كفن أبيض

وأغادر إلي سماء صفوها قد أجد فيه نقاء

بكت كثيرا السماء إنتظارا حتي أشفقت عليها فتساقطت دموعها علي

خدي ... لم أعلم كيف وصلت هناك
كثيرا ما تأخرت عليها فوهنت

جزء من تكويني هي أو أنني لها كالسحاب ؟؟؟

أنا في حبك كتلك السحابة البيضاء

خلقت لأجلك ... رفقا حبيبي

لا تلطخني بالسواد ....

فليس ذنبي أن لم يكن بالعالم بنظري سواك

فلم يا حبيبي تتمسك بالسراب

وأنا أريد إحتضانك بتكاثفات كل سحاباتي البيضاء

جمرات النيران تلتهم عيوني

ليس بمقدوري أن أتصدى لها فقوتي أستمدها أنا من حبك

وأنا الآن خارت قواي علي ابواب مدائنك ...

لازلت أعشقك بالرغم من كل شيئ

وكأن اذاني اصابهما الصمم ...؟؟

فأنا لم أسمع كل كلامك الذي مزق روحي بنصاله

أنا فقط أجد روحي متمزقة ولكني لا أعرف السبب ...؟؟

نعتت نفسي بالغباء ... ونعتتني أنت به

ولكني لست تلك التي إعتقدت ...
أنا المهدومة بكل قسوة الدنيا ويكفي

رفقا بي فأنا كائن لا يحتمل الصدمات ...

فكل ما أردته أن أحتمي بك ... من كل الدنيا

أردت حمايتك لي حتي من نفسك ...

ولا أعلم لم إعتبرتني أنت .. تجربة

فأنا لست سروالا لم يكن كمقاسك ...

أنا لم أكن مشروبا أو شيئا تافها لتجربني

أنا روح .. وكيان فكيف استطعت أن تفعل

كيف ألقيت زهرتي بين كل ذاك الشوك ... مزقني

ليس لديك القدرة علي أن تحب ...؟؟

إذن لم الحياة من الاساس ... لم تحيا علي حلم بحب ليس له وجود

لم تحيا بلا إحساس

لم تضيع حبا حقيقيا يريد لو يحترق فقط لأجلك ...!!

لن يفيد بكاء علي الاطلال

وكيف البكاء علي اللبن المسكوبي

كيف تلقي ما بيديك للنار وتعيش في ماض واه

لم بكل رقة تسلقت جدران قلبي

ثم إلتهمته بقسوة عند الوصول لنهايته

أما كان يكفيك أن أعطيتك إياه كي تلجأ آخرا لإلتهامه ؟؟